ໃນວັນທີ່ 30 ກໍລະກົດ 2021 ທີ່ຫ້ອງປະຊຸມ ສະໂມສອນຂອງເມືອງ ໄຊບົວທອງ.ໄດ້ເປີດພິທີພິທີມອບ - ຮັບໜ້າທີ່ ຫົວໜ້າຫ້ອງການ ຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງ ໄຊບົວທອງ ລະຫວ່າງ ຫົວໜ້າຜູ້ເກົ່າ ກັບ ຫົວໜ້າຜູ້ໃໝ່ ໂດຍໃຫ້ກຽດເປັນນ ທ່ານ ພູວຽງ ຂັນທະວົງ ຮອງຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ຄຳມ່ວນ ແລະ ທ່ານ ກອງສີ ເຂັມມະລາ ຮອງເລຂາພັກເມືອງ ໄຊບົວທອງ ລາຍລະອຽດດັ່ງລຸ່ມນີ້:
- ຜ່ານບົດສະຫຼຸບການຈັດຕັ້ງປະຕິບັດໜ້າວຽກງານຂອງ ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງ ໄຊບົວທອງ ໃນໄລຍະ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ.
- ຜ່ານຂໍ້ຕົກລົງຍົກຍ້າຍ ຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງໄຊບົວທອງ,ຜ່ານຂໍ້ຕົກລົງແຕ່ງຕັ້ງຄະນະຫ້ອງການ, ຜ່ານຂໍ້ຕົກລົງແຕ່ງຕັ້ງໜ່ວຍງານຂອງຫ້ອງການ.
- ຫົວໜ້າຫ້ອງການຜູ້ໃໝ່ຂຶ້ນຮັບຄຳໂອ້ລົມຈາກ ທ່ານປະທານ ກອງປະຊຸມ.
- ກອງປະຊຸມໃນຄັ້ງນີ້ໃຊ້ເວລາ 1 ຄາບ ແລະ ມີຜົນສໍາເລັດເປັນຢ່າງດີ.