ໃນວັນທີ່ 10 ມັງກອນ 2022. ທີ່ຫ້ອງປະຊຸມ ຫ້ອງວ່າການປົກຄອງ ແຂວງ ຄໍາມ່ວນ ໄດ້ເປີດກອງປະຊຸມກອງປະຊຸມສະຫຼຸບຕີລາຄາການເຄື່ອນໄຫວວຽກງານຮອບດ້ານປະຈຳປີ 2021 ແລະ ທິດທາງແຜນການ ປີ 2022 ຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ຄຳມ່ວນ.ໂດຍເປັນກຽດ ເປັນປະທານ ທ່ານ ວັນໄຊ ພອງສະຫວັນ ເຈົ້າແຂວງໆ ຄຳມ່ວນ ,ທ່ານ ປອ ໄຊນະຄອນ ອິນທະວົງ ຮອງລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ທ່ານ ຄຳໝັ້ນ ສໍປະເສີດ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ຄຳມ່ວນ, ມີຕາງໜ້າກົມທີ່ກ່ຽວຂ້ອງ ເຂົ້າຮ່ວມ ເຈົ້າເມືອງໆ 10 ຕົວເມືອງ ,ຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ 10 ຕົວເມືອງ ພ້ອມດ້ວຍພະແນກການອ້ອມຂ້າງແຂວງ ເຂົ້າຮ່ວມທັງໝົດ 96 ທ່ານ ຍິງ 22 ທ່ານ ດັ່ງມີລາຍລະອຽດລຸ່ມນີ້:
- ຜ່ານຮ່າງບົດສະຫຼຸບການເຄື່ອນໄຫວວຽກງານຮອບດ້ານປະຈຳປີ 2021 ແລະ ທິດທາງແຜນການປະຈຳປີ
- ເມືອງທ່າແຂກຂຶ້ນມີຄຳເຫັນ ກ່ຽວກັບ ການຊີ້ນຳການຈັດຕັ້ງປະຕິບັດວຽກງານແກ້ໄຂຂໍ້ຂັດແຍ່ງທາງດ້ານທີ່ດິນ,ການຊົດເຊີຍ ແລະ ການຄຸ້ມຄອງສິ່ງແວດລ້ອມຂອງຫົວໜ່ວຍທຸລະກິດຄອບຄົວ.
- ເມືອງຍົມມະລາດຂຶ້ນມີຄຳເຫັນກ່ຽວກັບ ການຊີ້ນຳວຽກງານຂຶ້ນທະບຽນທີ່ດິນຕິດພັນກັບໂຄງການອອກໃບຕາດິນ.
- ເມືອງຫີນບູນຂຶ້ນມີຄຳເຫັນກ່ຽວກັບ ການຊີ້ນຳວຽກງານສຳຫຼວດ-ວັດແທກ ແລະ ການອອກໃບຢັ້ງຢືນຮັບຮູ້ສິດຕິດພັນກັບໂຄງການຮັບຮູ້ສິດ,ການນຳໃຊ້ທີ່ດິນຂອງປະຊາຊົນໃນ 3 ປະເພດປ່າ.
- ເມືອງໜອງບົກຂຶ້ນມີຄຳເຫັນກ່ຽວກັບ ການຊີ້ນຳວຽກງານການຈັດເກັບລາຍຮັບວິຊາການ ແລະ ລາຍຮັບຈາກພາສີທີ່ດິນໃນຂົງເຂດ ຊສ ເມືອງ.
- ເມືອງຄູນຄຳ ຂຶ້ນມີຄຳເຫັນກ່ຽວກັບ ການຊີ້ນຳວຽກງານຈັດສັນ ແລະ ຄຸ້ມຄອງທີ່ດິນ ຕິດພັນກັບາການພັດທະນາແຫຼ່ງທ່ອງທ່ຽວ.
- ກົມທີ່ດິນ, ກຊສ ຂຶ້ນມີຄຳເຫັນຊີ້ນຳການຈັດຕັ້ງປະຕິບັດວຽກງານຈັດສັນ ແລະ ຂຶ້ນທະບຽນອອກໃບຕາດິນ.
- ກົມສິ່ງແວດລ້ອມ, ກຊສ ຂຶ້ນມີຄຳເຫັນຊີ້ນຳການຈັດຕັ້ງປະຕິບັດວຽກງານການຄຸ້ມຄອງສິ່ງແວດລ້ອມ - ສັງຄົມຂອງໂຄງການຂຸດຄົ້ນແຮ່ທາດແບບມອບເໝົາ.
- ພະແນກແຜນການ ແລະ ການລົງທຶນ ຂຶ້ນມີຄຳເຫັນ ກ່ຽວກັບການຄຸ້ມຄອງການລົງທຶນພາຍໃນ ແລະ ຕ່າງປະເທດທີ່ຕິດພັນກັບຂົງເຂດ ຊສ.
- ພະແນກກະສິກຳ ແລະ ປ່າໄມ້ ແຂວງ ຂຶ້ນມີຄຳເຫັນກ່ຽວກັບການຂຶ້ນທະບຽນອອກໃບຕາດິນໃນ 3 ປະເພດປ່າ.
- ພະແນກການເງິນແຂວງ ຂຶ້ນມີຄຳເຫັນ ກ່ຽວກັບການຈັດເກັບລາຍຮັບຈາກພາສີທີ່ດິນ ຕິດພັນກັບຖານຂໍ້ມູນສຳມະໂນທີ່ດິນ.
